Comitadu pro sa limba sarda
Pro s'ufitzialidade de sa limba sarda
Su CLS chi in sos annos 70 aiat regòllidu prus de 10.000 firmas cun una Proposta de lege de initziat...
Su CLS chi in sos annos 70 aiat regòllidu prus de 10.000 firmas cun una Proposta de lege de initziativa populare pro su reconnoschimentu de sa limba sarda dae s'istadu italianu, s'est torradu a formare.
A pustis de 10 annos dae sa lege 482 de su 1999, in ue sa Repùblica italiana reconnoschet sas 12 minorias internas suas, comente previdiat s'art. 6 de sa Costitutzione, b'at galu bisòngiu de gherrare. Difatis, nen s'Istadu, nen sa Regione tenent idea de pònnere in pràtica una polìtica linguìstica capatza de ufitzializare a beru sa limba nostra. Si bidet craru dae:
a) su minimòngiu de sos finantziamentos istatales e regionales pro sa limba sarda
b) sa mancàntzia de voluntade de formare un'isititutzione chi codìfichet e règulet sa limba sarda, cunforma a sas normas LSC
c) sa mancàntzia de un de polìtica linguìstica, in particulare de una Lege apòsita
d) su pagu (o nudda) impreu de sa limba sarda in àmbitu ufitziale e ammistrativu.
Si est beru chi sa pràtica de sa limba est bastante in mesu de sos antzianos, est finas beru chi pagu prus de su 10% de sos ppiseddos est pratichende sa limba.
Duncas, est in perìgulu sa trasmissione intergeneratzionale de su sardu.
E si non faghimus in presse, luego at a èssere finas peus.
|
